- လူငယ်တစ်ယောက်၏ဖွင့်ဟဝန်ခံချက်
ဂါယု–ရေဆင်း
နှုတ်ဖျားက သခင် သခင်နဲ့
ကျွန်ုပ် တကြော်ကြော် ခေါ်နေလိုက်တာ
တတယ်တမ်းတော့
အပေါ်ယံနှုတ်ဖျားက ထွက်လာတဲ့စကား
သိပ် မြတ်နိုးတာပဲ သခင်ရယ်
နှစ်ဦးခြင်းသစ္စာပြုထားပေမဲ့
တကယ်တမ်းဒုက္ခတွေ့တော့
ရွှေရည်စိမ်ထားတဲ့ စာချုပ်အတုသာ
သခင့်အတွက်ကျန်ခဲ့ရတယ်. .
သခင်ကိုလေ သိပ်ချစ်တာပဲလို့
ထပ်ခါထပ်ခါ ပြောနေလဲပဲ သံသယအရိပ်
သံသယကြောက်စိတ်နဲ့
သိပ်ချစ်ပါတယ်ဆိုတဲ့ ပေတရုလေ
နောက်ဆုံးတော့ သခင့်ရဲ့မျက်ဝန်းထဲမှာ
မျက်ရည်ဝဲခဲ့ရတယ်
ဒါကိုသခင် သိပေမဲ့ အပြစ်မယူရက်ဘူး
အပေါ်ယံစကား အပေါ်ယံနှုတ်ဖျားက
အပေါ်ယံမေတ္တာမျိုးနဲ့
သခင် သခင် ခေါ်တိုင်း နိုင်ငံတော်မဝင်ရဘူး
ဆိုတဲ့ သခင့်စကားအတွတ်
နှုတ်ဖျားက သခင်
ဦးနှောက်ထဲကသခင်
နှလုံးသားအရှင်
အဖြစ်နဲ့အသိအမှတ်ပြုပါရစေ
သခင်
