လက်စွပ်ကလေး နှစ်ကွင်း
~အမှတ်လက္ခဏာ
သစ္စာဆိုသော စကား၊
အက္ခရာများဖြင့်
နှလုံးသားပေါ်တွင်၊
ကမ္ဗည်းတင်လေသော်
ဧဒင်ထဲက၊ ရင်ခုန်ဖွယ်ညပေါ့
အချစ်ရယ်။
~ကြိုက်မရှက် ငိုက်မရှက်
အသက်တမျှ တစ်ဘဝ၊
အချစ်က
ခိုင်မြဲ ကြိုင်လှိုင်ပျံ့သင်း၊
ယုံကြည်ခြင်းအမွေ
ထမ်းပိုးစေသော
~ကြိုက်၍ပဲ ချစ်သည်
ချစ်၍ပဲ ကြိုက်သည်၊
တူညီသော နှောင်ကြိုး တန်ဖိုးနဲ့
အမြတ်တနိုး ထမ်းပိုးညီစေသော
~ဆင်းရဲနဲ့ ချမ်းသာ
ရောဂါနဲ့ ကျန်းမာ
ဇရာနဲ့ ရူပါ
သင်္ခါရနဲ့ အလှတရား ဘိုးဘေးများ၏ ပုံဝတ္ထု
ယုံကြည်ခြင်းအမွေခိုင်လုံနေသမျှ
ကြိုက်လေသမျှ၊
ထာဝရသို့ ချစ်လေသမျှ၊
ထာဝရသို့
အမှတ်တရလေးများ ဖြစ်ပါစေ။
ချစ်လှမောင်
(မေတ္တာတမန်မဂ္ဂဇင်း၊ အတွဲ(၅၈)၊အမှတ်(၇)၊
ဖေဖော်ဝါရီလ၊၂၀၂၁)
